Xalqaro Nordik universitetida Onalik va bolalar parvarishi uchun maxsus xona

Xalqaro Nordik Universiteti o‘z talabalarining va xodimlarining farovonligi hamda qulayligini ta’minlash maqsadida, onalik va bolalar parvarishi uchun maxsus xona tashkil etgan. Ushbu qulaylik GreenMetric xalqaro reytingining "Kampus binolari/qulayliklari" bo‘limi talablariga mos ravishda yaratilgan bo‘lib, onalar va bolalar uchun zarur barcha shart-sharoitlar bilan jihozlangan.

Xonaning asosiy qulayliklari:

✅ Bolalar o‘yin burchagi – Kichik yoshdagi bolalar uchun maxsus o‘yinchoqlar, ijodiy mashg‘ulotlar uchun materiallar va rivojlantiruvchi o‘yinlar mavjud.

✅ Maxsus parvarish yotoqlari – Chaqlaloqlarni almashtirish va onalar uchun qulay sharoitlar ta’minlangan.

✅ O‘rindiqlar va dam olish joylari – Onalar o‘z farzandlari bilan qulay va xotirjam muhitda vaqt o‘tkazishlari uchun yumshoq o‘rindiqlar o‘rnatilgan.

✅ Estetik va bolalar uchun xavfsiz muhit – Xona yorqin dizaynga ega bo‘lib, bolalar uchun mos bezaklar bilan jihozlangan.

✅ Havoning tozaligini ta’minlovchi tizimlar – Yaxshi ventilyatsiya va xavfsizlik choralari ko‘rilgan.

Bu maxsus xona ishlayotgan yoki o‘qiyotgan onalar uchun juda muhim bo‘lib, ular universitet hududida farzandlarini qulay muhitda parvarish qilish imkoniyatiga ega bo‘ladilar. Xalqaro Nordik Universiteti har doim talabalar va xodimlarning qulayligini ta’minlashni o‘z oldiga maqsad qilib qo‘ygan va bu boradagi ishlarini yanada rivojlantirishda davom etadi.

BINODA MAXSUS QULAYLIKLARGA EGA LIFT O‘RNATILGAN

Universitet binosida harakatlanish imkoniyati cheklangan shaxslar, shuningdek, barcha foydalanuvchilar uchun qulay va xavfsiz lift tizimi joriy etilgan. Zamonaviy talablar asosida ishlab chiqilgan ushbu lift 4 kishigacha sig‘dira oladi hamda 800 kg gacha yuk ko‘tarish quvvatiga ega. Liftning keng va ergonomik dizayni foydalanuvchilarga qulaylik yaratish bilan birga, harakatlanish jarayonini yengillashtiradi.