MAQSAD

“Ekofaol talabalar” bo‘limining asosiy maqsadi — talabalarda ekologik madaniyatni yuksaltirish, atrof-muhitni asrash va yashil hayot tarzini targ‘ib etish orqali O‘zbekiston Respublikasida barqaror ekologik rivojlanishga hissa qo‘shishdir.

Mazkur bo‘lim orqali oliy ta’lim muassasasi talabalari tomonidan amalga oshirilayotgan ekologik tashabbuslar, “Yashil makon” loyihasi doirasidagi amaliy ishlar, ekologik hasharlarda ishtirok etish, chiqindilarni kamaytirish, daraxt ekish, suv va energiya resurslarini tejash bo‘yicha faoliyatlar muntazam yoritib boriladi.

VAZIFALAR

• Talabalarning ekologik faolligini rag‘batlantirish va ularning atrof-muhitni muhofaza qilishdagi ijtimoiy mas’uliyatini oshirish;
• “Yashil makon” umumxalq loyihasi hamda boshqa ekologik dasturlar doirasida o‘tkazilgan tadbirlar haqida ma’lumotlarni jamlash va e’lon qilish;
• Talabalar tomonidan amalga oshirilgan ekologik tashabbuslarni targ‘ib qilish, ularning ijodiy va amaliy ishlanmalarini ommalashtirish;
• Universitetda ekologik madaniyatni shakllantirish, chiqindilarni to‘g‘ri saralash, suv va energiyani tejash madaniyatini keng yoyish;
• O‘quv jarayonida ekologiya va barqaror rivojlanish tamoyillarini tatbiq etish, ekologik startap va loyihalarni qo‘llab-quvvatlash;
• Ekologik faol talabalarni aniqlab, ularning yutuqlarini “Ekoqahramonlar” ruknida e’tirof etish va boshqalar uchun namunaviy tajriba sifatida yoritish.